Folkefest med song, dans og spel

Levande tradisjon på Nesodden:

Helga 12.–14. september 2025 blir det fullt liv på Nesodden når FOLKEMUSIKKFESTIVALEN – SANG • DANS • FOLK går av stabelen. Programmet spenner frå uformelle songkveldar til minikurs, barneaktivitetar, festkonsert og historieforteljing – alt med utgangspunkt i levande folkemusikktradisjonar.

Tekst: Pressemelding/redaksjonen

Festivalen startar fredag ettermiddag med dans og moro utanfor Tangenten og Tangen-senteret, før det blir «folkesang rundt baren» på Nesodden vertshus. 

Laurdag er det klart for ei rekkje korte kurs på ungdomsarenaen i Tangenten, der deltakarane kan prøve seg på alt frå folkesong etter Samuel Hellen til reinlender, slåttestev, middelalderdans og morrisdans med finske gjester.

For dei yngste blir det samtidig eigne aktivitetar i elevkantina – barnesongar, eventyrstund, langeleik og dokketeater, hallingdans og bånsullar.

Laurdagskvelden kulminerer i festkonsert i Tangenten-foajeen, der mellom andre Halvor Håkanes, Nirvana Froagh, Kor-AL, Sverre Jensen & Gloria Riveros, Helsinki Morrisers, Sigyn Sjølie Sandegren, Torbjørn Lauen og Ford Folk står på scena.

Søndag rundar festivalen av med ei meir intim stund på Annas hybel: Petter Dass-salmar med melodiar etter Samuel Hellen, bildevisning og forteljingar om lokale songarar som Talleiv Røisland, filmklipp av blikkfløytespelaren Karl August Pedersen – og sjølvsagt meir song rundt bordet.

Billettane er rimelege og fleksible: kurs frå 100 kroner, festkonserten 250 kroner, eller festivalpakke med alt for 500 kroner. Alt som skjer fredag og søndag er gratis.

Festivalen blir arrangert av Nesodden folkesangforum.