Medlemene i ensemblet er: Unni Boksasp song og dans, Torgeir Leivdal fele, Martin Myhr dans, Jørn Simenstad bukkehorn, lur og ulike fløyter.
Framsyninga tek utgangspunkt i folkemusikk og folkeeventyr frå Nord-Møre, og eventyrforma ho presenterast i gjer henne veleigna for heile landet. Ho let seg lett tilpasse alle arenaer, både inne og ute, og høver derfor i ulike samanhenger. Lengda gjer at ho egner seg også godt som skulekonsert. Medlemene i gruppa kan også delta ved ulike konsertar, både i samspel og soloinnslag. Dei kan også gje kurs for born og vaksne i folkesong, seljefløytespel, hallingdans, og andre folkedansar med eigen spelemann.

Ensemblet har delteke med dette programmet på Førde Internasjonale Folkemusikkfestival og på Jørn Hilme-stemnet, Fagernes. Medlemene driv utstrekt kurs- og konsertverksemd som soloutøvarar samt som medlemer i andre ensembler.