Dei starta 1996, og med historier og fantasi har dei funne sin heilt særeigne måte å framføre lokal tradisjonsmusikk frå indre Sunnmøre på. Med humor, fanteri og kreativitet bles dei livgjevande kraft i gamle og gløymde sunnmørstonar frå storfjord-området, gjerne kobla saman med folkemusikk frå bl.a. Sverige og Shetland - med glimt i auget!
Som namnet tilseier, er dei stadig på farten og av konsertreferansar kan nemnast: store festivalar i inn- og utland, t.d. Kaustinen Folk Festival i Finland, Kalottspel i Målselv, Rudi Kultur på Vinstra, Halkærfestivalen i Danmark, Norrsken og Storsjøyran i Sverige, Euromusica-festival i Hellas, EBU-festival i Ungarn, rikskonsertturnèar, samarbeid med kor/korps/brass, samt som underhaldning til næringsliv og konferansar.