Folkemusikk- og folkedansorganisasjonen vart skipa 21. november 2009 som ei samanslutning av Norsk Folkemusikk- og Danselag og Landslaget for Spelemenn. Organisasjonen har som sitt fremste føremål å arbeide for  folkemusikken og folkedansen i Noreg ved å styrkje deira rolle og vilkår i samfunnet. Som kulturpolitisk interesseorganisasjon har han eit breitt arbeidsfelt som spenner frå aktive lokale spel- og danselag, til fremjing av norsk folkemusikk på høgt nivå både heime og ute.

Organisasjonen lyser ut to faste stillingar:

INFORMASJONSMEDARBEIDAR, 100%

Stillinga er nyoppretta og medarbeidaren er del av ei gruppe på tre informasjonsmedarbeidarar som er ansvarlege for informasjonsarbeidet i Folkemusikk- og folkedansorganisasjonen: Nettsidene folkemusikk.no og folkmusic.no, diverse informasjon til lag og medlemmer, produksjon av anna informasjonsmateriell, pressearbeid. Informasjonsarbeidarane skal ogsåhjelpe andre tilsette og dagleg leiar med informasjonsfaglege innspel i utarbeidinga av informasjonsmateriell og interessepolitiske dokument.

Vi søkjer etter ein omgjengeleg og initiativrik person med informasjonsfagleg bakgrunn.

Vi søkjer følgjande kvalifikasjonar:

• Høgare utdanning, fortrinnsvis innan informasjon/kommunikasjon
• Kjennskap til korleis media, politiske organ og andre relevante aktørar fungerar
• Evne til informasjonsstrategisk tenking og sjølvstendig arbeid
• Kompetanse innanfor publisering på internett og generelt redaksjonelt arbeid
• Kjennskap til musikkfeltet
• Kjennskap til folkemusikk- og folkedansområdet er ein fordel
• God munnleg og skriftleg framstillingsevne på nynorsk, bokmål og engelsk.

Personlege eigenskapar:

• Gode kontaktskapande eigenskapar og evne til samarbeid
• Sjølvgåande, initiativrik og strukturert.
• Omgjengeleg og initiativrik person med evner til strategisk og administrativt arbeid

Oppstart så snart som mogleg.

MEDARBEIDAR MED ANSVAR FOR KAPPLEIKAR OG LOKALLAGSUTVIKLING,
80 – 100%

Stillinga er nyoppretta og den tilsette vil få ansvar for Folkemusikk- og folkedansorganisasjonen sine oppgåver i samband med dei to store årlege arrangementa Landsfestivalen i gammaldansmusikk og Landskappleiken. I tillegg vil det i stillinga liggje eit ansvar for utviklingsarbeid i samband med organisasjonen som kappleiksarrangør og arbeidet i lokallaga.

Vi søkjer etter ein omgjengeleg og initiativrik person med interesse for og kjennskap til norsk folkemusikk.

Vi søkjer følgjande kvalifikasjonar:

• Høgare utdanning, fortrinnsvis innan kulturfag/ samfunnsfag/ informasjon. Relevant arbeidserfaring kan erstatte kravet til utdanning.
• Prosjektleiarkompetanse og evne til sjølvstendig arbeid
• Kjennskap til folkemusikk- og folkedansområdet er ein føresetnad
• God munnleg og skriftleg framstillingsevne på nynorsk og bokmål

Personlege eigenskapar:

• Gode kontaktskapande eigenskapar og evne til samarbeid
• Sjølvgåande, initiativrik og strukturert.
• Omgjengeleg person med evner til strategisk og administrativt arbeid

Oppstart 1. januar 2011.



For begge stillingane:

Arbeidsstad er i nye kontorlokale i Schouskvartalet, sentralt i Oslo. Løn etter avtale.

For meir informasjon om organisasjonen sjå www.folkemusikk.no. For spørsmål om stillinga, ta kontakt med konstituert dagleg leiar Lene Furuli, tel  991 60 741/ lene@folkemusikk.no.

Send søknad med CV til: Folkemusikk- og folkedansorganisasjonen, PB 4613 Sofienberg, 0506 Oslo eller på e-post post@folkemusikk.no .

SØKNADSFRIST 1. AUGUST 2010