LANDSKAPPLEIKEN

Fureprisen til Ingebjørg Harman Bratland

Vinnar av Fureprisen 2010 - Foto: Eivind Kaasin

Fureprisen vart delt ut under Landskappleiken på Voss sundag. Prisen på 50 000,- gjekk til kvedar og folkemusikar Ingebjørg Harman Bratland frå Vinje.

Forfatter: Pressemelding / Eivind Kaasin Publisert: 27. juni 2010

I finalen under meisterkonserten på Landskappleiken var fem folkemusikarar under 25 år med å kjempe om prisen. På scena stod Ingebjørg Harman Bratland (vokal), Margit Myhr frå, (vokal), Marie Tveiten (hardingfele), Sivert Holmen (hardingfele) og Jørgen Nyrønning (fele). Til slutt falt juryen sitt val på kvedaren Ingebjørg Harman Bratland .

- Dette er utruleg moro! Dei andre nominerte held eit svært høgt nivå, så det er ei stor ære å vinne denne prisen, seier Bratland.

Foto | Eivind Kaasin

Den unge kvedaren frå Vinje har allereie merka seg ut med stemma si. Under NM i folkemusikk på Geilo i fjor vann ho vokal klassa A, og ho har også merka seg sterkt ut i den royale krets. No er ho klar for nye utfordringar, og er ikkje i tvil om kva prispengane skal gå til.

- Eg jobbar med ei ny plateutgjeving, og pengane skal brukast til å finansiere denne.

Som ein del av prisen får vinnaren også ein eigen konsert under bransjetreffet Folkelarm som går av stabelen 9. - 12. september på Riksscenen i Oslo.

I tillegg til hovedprisen på 50 000,- vart det også delt ut fleire pengepremiar på kvar 10 000,- til utøvarar i c-klassene. Desse premiane gjekk til: Marie Tveiten frå Seljord (hardingfele), Sjur Borge frå Gol (durspel) og Hans P. Kjorstad frå Harpefoss (fele).

Om Fureprisen

Fureprisen går til ein deltakar på Landskappleiken under 25 år uansett klasse , og er på 50 000,-. Prisen er gjeven av Furestiftinga, ei stifting etter forretningsmannen Knut Fure og kona. Avkastninga frå fondet skal gå til støtte for klassisk musikk og norsk tradisjonsmusikk. Prisane skal delast ut på Landskappleiken også dei fire neste åra.

Finalistane til Fureprisen

Marie Tveiten