Kjernen i prosjektet er eit samarbeid mellom to folkemusikkgrupper; norske Tindra og polske Kroke. Dei to gruppene vil spele saman på fleire festivalar og vil gjere konsertar både i Noreg og Polen i 2010/2011.

I tillegg til samarbeidet mellom Tindra og Kroke vi festivalen Sounds of the North i Gdansk ha eit norsk fokus med fleire norske grupper, seminar og workshop i august 2010.

Kulturutvekslingsfondet med Polen vart etablert i 2008 og vert forvalta av det polske kulturdepartementet. Fondet utgjer totalt nærmare 90 millionar kroner, og vert hovudsakleg finansiert av norske EØS-midler. Fondet støttar kulturell utveksling i form av samarbeidsprosjekt mellom polske søkjarar og partnarar frå Noreg, Island eller Liechtenstein. Målet er å styrkje dialogen og det kulturelle samarbeidet mellom Polen og givarlanda.

Dette er den fjerde av i alt fem planlagde utlysingar og 21 nye samarbeidsprosjek er godkjende for finansiering. Prosjektea omfattar scenekunst, musikk, kulturarv, billedkunst, litteratur og arkiv, og involverer aktivitetar i både Polen, Noreg og Island.

Siste søknadsrunde vil bli utlyst i byrjinga av mars i år. Nærmare opplysningar om prosjekta og søknadsprosessen finst på Kulturutvekslingsfondet si hjemmeside.

Kulturdepartementet koordinerer arbeidet med fondet i Norge, i samarbeid med Norsk kulturråd, ABM-utvikling og Riksantikvaren.