Dei nominerte til Folkelarmprisen 2025 er klare

Rekordmange bidrag, sterke namn og brei sjangerrepresentasjon – Folkelarmprisen 2025 feirar eit særs rikt år for folkemusikken.

Tekst: Pressemelding/redaksjonen

Folkelarmprisen har sidan 2005 vore folkemusikkens eigen prisutdeling, og ein viktig del av Folkelarm-festivalen. Prisen løftar fram dei som har gjort ein særleg innsats for folkemusikk og folkedans gjennom året, og delast ut i fem platekategoriar og tre bransjeklassar.

– I år har vi hatt rekordpåmelding til Folkelarmprisen, noko som både speglar at det har vore eit ekstremt produktivt år, men også at interessa for folkemusikk og folkedans aldri har vore større, seier Ann Helen Erichsen, prosjektleiar for Folkelarm og Folkelarmprisen.

Prisutdelinga går føre seg laurdag 15. november på Riksscenen i Oslo, med folkemusikarane Sigrid Moldestad og Alexander Aga Røynstrand som programleiarar. Frå scena blir det både musikkinnslag og ekte folkemusikkglamour.

I tillegg til plateprisane for soloartist, samspel, dansespel, open klasse og dokumentasjon, blir det delt ut prisar for Årets produksjon, Årets arrangør og Årets visuelle uttrykk. Vinnarane av Årets folkemusikar og Årets bransjeaktør blir offentleggjorde under sjølve utdelinga.

Dei nominerte til Folkelarmprisen 2025

Årets album – solo

• Anders Lillebo: Munnspill (Melovitten)
• Ingrid Lingaas Fossum: Eit halvt tusenår (ta:lik records)
• Ånon Egeland: Ånon Egeland MMXXIV (5b.no AS / Taragot)

Årets album – samspel / gruppe / ensemble

• Flottorp og Solberg: Fiskaren (ta:lik records)
• Himmelleite: Efterklang fra fjeldreisen (Melovitten)
• Qvam / Plassen: Stråk (Melovitten)
• Vegar Vårdal, Bjørn Kåre Odde, Ingrid Lingaas Fossum, Sigrid Stubsveen og Sivert Holmen: Alumni (Melovitten)

Årets album – dansespel

• Lendmen: 2 (Melovitten)
• Madam Jam: Partykongen (Melovitten)
• Sindre & Co: Sindre & Co (Melovitten)

Årets album – open klasse

• Bjørn Kåre Odde: Folk Chamber II (Melovitten)
• Erlend Viken Trio: Ville veier (Heilo / Grappa Musikkforlag)
• Hekate: Evigheten forestår (Heilo / Grappa Musikkforlag)
• Pumpegris: Fritids (ta:lik records)
• Valkyrien Allstars: venter på noen som venter på noen (Supertraditional Records)

Årets dokumentasjon – bok eller album

• Hallgrim Haug, Aslak Brimi og Even Lusæter: … og han Ola var stjerna! (ta:lik)
• Vidar Lande: Mellom aust og vest. Folkemusikk i Evje og Hornes (Evje og Hornes Sogelag v/ Vidar Lande)
• Anders Lunden Herefoss: Diverse spelemenn fra Ål i Hallingdal – Stranda-spel og Dekka-låttar (ta:lik records)

Årets produksjon – bestillingsverk eller forestilling

• Barokksolistene og Mamelukk: The Dancers Brew (Riksscenen)
• Holmen, Garmo, Hulbækmo og Meisfjord: Kvåvne (Hilme-stemnet)
• Kartellet, Johanna-Adele Jüssi, Art in Motion: Village Party (Bodø2024)

Årets arrangør – program eller konsept

• Gorrlaus – for konsertserien og nyskapande samarbeid
• I Krøsshaugens fotefar – Sivert Holmens vandreturné
• Klubb Komle – for det leikne klubbkonseptet i Bergen

Årets visuelle uttrykk – foto, platecover eller grafisk uttrykk

• Agnete Brun – fotografi av Håkon Høgemo
• Førdefestivalen / Piotr Pyclo – grafisk design, årets festivalplakat
• Vidar Herre – fotografi av ung felespelar

Tidlegare vinnarar

Prisen Årets folkemusikar har tidlegare gått til mellom andre Tuva Livsdatter Syvertsen (2024), Benedicte Maurseth (2023), Per Anders Buen Garnås (2022), Marja Mortensson (2021) og Vegar Vårdal (2020).
Prisen Årets bransjeaktør gjekk i 2024 til Terje Foshaug.

Om Folkelarm og Folkelarmprisen

Folkelarmprisen (Norwegian Folk Music Awards) er folkemusikkens og verdsmusikkens eigen platepris, open for originale album i sjangrane folkemusikk og verdsmusikk gjevne ut i Noreg mellom 31. august 2024 og 1. september 2025.

Folkelarm er ei showcasefestival og møteplass for folkemusikk- og folkedansfeltet i Norden, eigd og drive av FolkOrg. Festivalen samlar kvart år artistar, arrangørar og bransjefolk frå heile verda til konsertar, seminar og nettverksbygging – med hovudmål om å marknadsføre og eksportere nordisk folkemusikk.