Hjem > Verktøykasse > Lokallag > Artikkel

FolkOrg-samling

Seminar om folkemusikk og folkedans i kulturskulen

Oslosamlingen 2011

Oslosamlingen 2011

- Norge er aleine om å ta vare på den norske folkemusikken og folkedansen. På kva måte kan vi sikre at barn og unge har tilbod om opplæring gjennom kulturskulane, og samstundes har eit folkemusikk- og folkedansmiljø å vere ein del av? Det er FolkOrg – organisasjonen for folkemusikk og folkedans - som inviterar til ei samling med rundt dette temaet fredag 2.september.

Forfatter: Folkemusikk.no - RED Publisert: 16. august 2011

FolkOrg har teke på seg ansvaret for å invitere til ei samling for å utveksle erfaringar frå dei som fekk utviklingsmidlar frå Utdanningsdirektoratet skoleåret 2010-2011 på folkemusikk- og folkedansfeltet. Det var Ål, Verdal og Seljord.

Samstundes ønskjer vi å invitere dei som får stønad for skuleåret 2011-2012, og andre interesserte. FolkOrg ønskjer å samarbeide tett med Norsk Kulturskuleråd, lokale lag og lokale kulturskuler kring dette arbeidet.
 
Fredag 2.september Schous (Grünerløkka) i Oslo kl. 09.30 - 15.30

Program:  

  • 09.30  Kaffi og registrering
  • 10.00  Velkomen v. Linda Dyrnes, dagleg leiar i FolkOrg
  • 10.10  Erfaringar frå Verdal, Ål og Seljord som fekk stønad frå Utdanningsdirektoratet i fjor
  • 12.00  Lunsj
  • 13.00  Norsk Kulturskoleråd v. Berit K. Graftås, kulturskolekonsulent i Hedmark
  • 13.30  Diskusjon; kva skal vi gjere for å få meir undervisning i folkemusikk og folkedans i kulturskulane og at det vert eit godt samarbeid med lokallaga/miljøa? Kva skal vere FolkOrg si rolle? Kva er Norsk kulturskoleråd si rolle? Kva er dei lokale kulturskulane og lokallaga sine rolle?
  • 15.00  Kort oppsummering og vegen vidare

Påmelding innan 26.august til linda@folkemusikk.no. Samling og servering betalar FolkOrg, men kvar enkelt må dekkje utgifter til reise og opphald. Det kan verte mindre endringar i programmet.

- Vi håpar så mange som mogleg kan kome!

Beste helsing

Linda Dyrnes
Dagleg leiar FolkOrg


 

  • ER ME ÅLEINE DA?
    Skrevet av Knut Buen (kbuen AT online DOT no) [2011-08-19]
    Det er rektig at me treng mål og midlar i høve å taka vare på norsk folkemusikk og folkedans.Men er me åleine om det? Men me må ikkje gløyma den store internasjonale interessa for kulturarven vår. Tenk på kva dei gjer i USA. Eigen organisasjon for hardingfela, t.d. og breid folkedansinteresse. Amerikanarane har tatt dette inn universiteta jamvel. Og på museet i Decorah har dei ei stor samling av samtidig folkekunst. Har me det i Noreg?


  • Valdres
    Skrevet av Anonym [2011-08-29]
    Det var vel fleire som fekk midlar innan folkedans/musikkfeltet.. trur Øystre Slidre kulturskule fekk td..



(3) | Tips en venn | Skriv ut |