Mokurset starta opp i 1984 og er såleis det sommarkurset med lengst tradisjon i Noreg. Det har vorte arrangert kvart år sidan. Mokurset vert halde kvart år i juli/august og er eit tilbod om opplæring på fele, hardingfele, toradar, trekkspel, song og dans. Også bukkehorn og lur har vore representert i dei siste par åra. www.mokurset.no

Strunkeveko er eit sumarkurs i folkemusikk og folkedans for born og ungdom. Det blir arrangert kurs i: song, fele, hardingfele, langeleik, toradar/trekkspel, samspel, dans med vekt på halling, folkedansteater, dans og uttrykk og ministrunken. www.strunkeveko.no

Ungfolk er ein sommarleir med folkemusikk og folkedans i fokus. Leiren varer i fem dagar, og er for deg mellom 10 og 18 år som er interessert i folkemusikkband, hardingfele, flatfele, langeleik, kveding, fløyter eller dans. www.ungfolk.no