Hjem > Aktuelt >  > Artikkel

NM i folkemusikk

Svar til Ingvill Marit Buen Garnås

Nils Øyving Bergset_440_px_framsida

Leiarane i Landslaget for Spelemenn gir i dette innlegget svar på kritikken mot dømminga under NM, og meiner debatten må vere på eit generelt grunnlag.

Publisert: 3. juli 2009

Ingvill Marit Buen Garnås har i fleire fora gått ut og vore kritisk til døminga av vokal folkemusikk på årets NM i folkemusikk. Landslaget for Spelemenn (LfS) meinar at dette er ein for viktig debatt til at han skal spore av gjennom direkte angrep på utøvarar eller dommarar.

Det er ingen tvil om kva slags songstil LfS ynskjer å fremja på kappleik. Me siterer frå rettleiinga i domarskjemaet: ”Tradisjon er fridom og variasjon – men innanfor ei ramme. Folkesongen har visse musikalske stiltrekk som gjer at han får denne merkelappen i staden for t.d. opera eller jazz. Dommarane bør honorere utøvarar som tek dei gamle stiltrekka på alvor.”

Ingvill Marit Buen Garnås viser heilt korrekt til dei rubrikkane som står på dommarskjemaet. for 1) teknisk dugleik, 2) stilkjensle, 3) musikalsk tolking og 4) formidling. Systemet er slik at det er teknisk dugleik og stilkjensle innanfor tradisjonell vokal folkemusikk som skal premierast. Har ein stilkjensle frå ein annan sjanger, skal ein ikkje kunne oppnå poeng innfor vårt system.

Den vokale folkemusikken i Noreg har eit stort spenn når det gjeld uttrykk og stiltrekk. Me har eit system kor dommarane på Landskappleik/NM blir plukka ut av styret i LfS slik at dommarpanelet skal verta breitt samansett. Det er vanleg å bytte ut minst to dommarar frå år til år, dette for å sikre kontinuitet og variasjon. Kappleiksystemet er avhengig av tillit frå miljøet for å kunna fungere.

Dommarane på årets NM var alle svært røynde og styret har stor tillit til at dei har gjennomført oppgåva si på ein framifrå måte. Dommarane står samla ansvarleg for resultatet, og det er vanleg kutyme at dommarane ikkje uttalar seg om rangeringa av utøvarane eller deira interne diskusjonar i etterkant. Utøvarane kan gjerne få attendemelding på deira eigne prestasjonar.

Det vil alltid, og bør nok alltid, vera debatt om kriterium for dømming på kappleik. Dette har mellom anna samanheng med elementet av subjektivitet kring dømming av kunstnarlege uttrykk. LfS vil gjerne ha debatt om kva slags kriterium ein skal nytte, korleis dommarskjemaet skal sjå ut og om systemet sikrar at sjangeren vert styrka både i høve til mangfald og stilistiske særtrekk innan tradisjonar. For alle som vil følgje debatten, viser me til gjeldande dommarskjema m/retningsliner som har vore brukt uendra sidan først på 90-talet; Dommarskjema - vokal. Vokal folkemusikk har som omgrep vore nytta på Landskappleiken sidan byrjinga av 1980-talet. 

Det er vanskeleg å komme vidare i debatten om ein fokuserar på personar. Å debattere er viktig og nyttig, men premissane for debatten må vera på eit generelt grunnlag. 

Ingvill Marit Buen Garnås sine synspunkt og kommentarar til den endra klasseinndelinga på årets arrangement vil bli tatt med i ei grundig evaluering av heile prøvearrangementet.


Nils Øyvind Bergset
Leiar LfS

Solbjørg Tveiten
Nestleiar LfS
 


       *      *

  • Takk Ingvill!
    Skrevet av Tone Haugen Romtveit (tonehr AT spray DOT no) [2009-07-13]
    Flott at du åpner opp for debatt rundt et tema som er veldig viktig for utøvere innen norsk vokal folkemusikk. Akkurat som du, er jeg født inn en i kvedar- og spelemannsslekt, men det er først nylig dette virkelig for alvor har begynt å oppta meg også. Jeg har mye å lære av folk som deg.
    Innlegget ditt engasjerer meg og det åpner opp for tanker og synspunkter som jeg håper har noe for seg. Jeg tar sjansen på å ytre noen av dem.

    En fare ved å klage på dårlig dømming er at en kan bli beskyldt for å hevde seg selv, for å være dårlig taper, for at det egentlig er andre utøvere en vil kritisere. Det er ikke det saken handler om! Slik jeg ser det handler dette først og fremst om å verdsette norsk vokal folketradisjon.
    På kappleiker burde jo dette stå i fokus mer enn på mange andre arenaer.

    Kappleik er mye mer enn konkurranse og plasseringer, men når en først inviterer profesjonelle og amatør-folkemusikere til å delta i tevling, bør en sørge for at dømmingen er anstendig.
    Dømmingen må selvfølgelig foregå med utgangspunkt i den sjangeren vi befinner oss i, ikke bare i generell sangteknikk og formidlingsprestasjoner. Dommeren må selvsagt ha god sjangerkunnskap, og derved forutsetning for å forstå hva som er godt ut fra sjangerens krav! Innen alle sjangere må en ha gode sjangerkunnskaper for å være dyktig innen sjangeren. Sier ikke det seg selv?

    Som vokal utøver innen jazz, etterhvert også folkemusikk synes jeg du har mange gode poeng!
    Du peker på at det ikke er hva en synger, men hvordan en synger som er vesentlig! En dyktig jazzsanger må ha mer i bagasjen enn et knippe standardlåter og en god sangstemme. Sissel Kyrkjebø er ingen habil jazzsanger, det er vel de fleste enige om selv om hun gir fantastiske opplevelser med sin flotte stemmeprakt. Hun er heller ingen kvedar, eller er hun? Dersom hun hadde opptrådd på kappleik, hvilken plassering ville hun fått? Jeg er redd hun hadde vunnet så mange år på rad at hun hadde gått lei!

    Resultatlister fra mange kappleiker jeg har sett den siste tiden gir meg inntrykk av at utøvere ikke får skikkelig uttelling for gode tradisjons- og stilkunnskaper og for å vise musikkforståelse.
    Det honoreres ikke for bruk av eldre tonalitet, stilriktige fraseringer, god flyt, rytmisk spenst osv.
    Det kan til tider virke som om det er generell sangteknikk og utenommusikalsk formidligsevne som gjør størst inntrykk på dommerene.

    Det vil alltid være folk som vil være uenige med dommere. Det er alltid noen som vil klage uansett
    resultat. Musikk vil alltid oppfattes subjektivt. Heldigvis er vi ikke enige om alt. Dette er likevel ikke god nok grunn til å slå seg til ro med at forholdene er gode nok.

    Når dyktige tradisjonsbærere ikke vil delta på kappleiker på grunn av liten tillt til dømmesystemet, er det tankevekkende. For det er ikke bare er Ingvill som tenker i disse retninger. Det er jo opp til hver enkelt om en liker å delta på kappleik eller ikke og dersom en ikke liker spillereglene så kan en jo bare holde seg hjemme, men er det så enkelt?

    For hvor kommer tradisjonskunnskapen fra? Hvem er lærermestrene i vokal folkemusikk?
    Hvem har vi lært av og hvem skal de unge lære av? De unge vil lære av de beste. Og det er vel de som kommer best ut på kappleiker og selger flest cd’er – eller ...??

    Hilsen Tone Haugen Romtveit


  • Dommar-rolla
    Skrevet av Herbjørn Liahagen [2009-07-10]
    Eg er ikkje ekspert på vokal folkemusikk, og skal ikkje meine noko om resultatlista i NM 2009, men som utøvar og dommar på hardingfele har eg lyst til å kommentere dommarane si rolle her. Eg undrar meg over at leiar i LfS seier at han har «stor tillit til at dei (domarane) har gjennomført oppgåva si på ein framifrå måte». Ut frå resultatet og det som har kome fram i etterkant er det minst to av dommarane som fortener kritikk:
    - Ole Arnfinn Hagen for at han heilt tydeleg har eit noko spesielt syn på kva kveding / vokal folkemusikk er, jamfør det han seier i Telen 30.juni.
    - Jarnfrid Kjøk for at ho refererer interne diskusjonar i dommartrioen. Sjølv om eg kanskje er mest einig med ho når det gjeld synspunkt på vokal folkemusikk, er det utanfor alle spelereglar å referere det som blir diskutert under dommarmøtene. Viss det blir vanleg, trur eg LfS får problem med å skaffe dommarar etterkvart.

    Ellers ros til Ingvill Marit Buen Garnås for at ho vågar å dra i gang denne viktige debatten om stilkjensle og dømming, eg håpar verkeleg fleire utøvarar, forskarar og andre deltek etterkvart!

    Herbjørn Liahagen


    • Lita presisering
      Skrevet av Ingvill Marit Buen Garnås (imgarnas AT online DOT no) [2009-07-10]
      Ynskjer berre å presisere at Jarnfrid Kjøk ikkje akkurat refererte interne diskusjonar i domargruppa, men på direkte spørsmål om ein verkeleg hadde vore så einige, meddelte ho heilt enkelt at ein hadde hatt inngåande diskusjonar kring omgrepet vokal folkemusikk. Ho uttalte seg ikkje om rangeringa utøvarane i mellom.


  • Kriterier og måloppnåing
    Skrevet av Kari Malmanger (kari-malmanger AT hotmail DOT com) [2009-07-06]
    I skulen snakkar ein om grad av måloppnåing innan visse kriterier i ulike fag. I desse tider er det så mykje som skal målast på alle måtar, og då lagar ein seg system for å måle også slikt som ikkje er så lett å måle. Vi kan vel alle vere einige i at kunstnariske uttrykk, som til dømes song og musikk, ikkje er så lett å måle opp mot kvarandre. Nokre likar mora og nokre likar dottera, for å seie det slik. Men når ein ser vekk frå personleg smak og tolking, kan ein ikkje ha nokre kriterie for måloppnåing likevel?

    Kva skal til for å oppnå 114 poeng i kveding? Kva skal til for å oppnå 130 poeng? Er det formulert noko på dette?

    1) teknisk dugleik, 2) stilkjensle, 3) musikalsk tolking og 4) formidling. Kva skal til for å få full utteljing innan desse kriterieområda? Dette er sjølvsagt noko dommarane bestemmer, men er det sett ned noko meir konkret for å seie kva som krevst innan desse ulike områda? Og kva tyder eigentleg musikalsk tolking? Kva er formidling? Korleis bedømmer ein stilkjensla til nokon, og korleis merkar ein korleis det står til med den tekniske dugleiken? Det kan hende dette er dumme spørsmål, men då får eg vere den som vågar å stille desse dumme spørsmåla som kan hende fleire lurar på, då.

    Vi kan alltid bli betre. Ikkje noko system er feilfritt, og som tida går vil det også vere behov for endring eller forbetring. Kan hende kan ein debatt vere med på å skape det?

    Lukke til vidare med arbeidet!


    • Dommarskjemaet
      Skrevet av Kari Malmanger (kari-malmanger AT hotmail DOT com) [2009-07-06]
      Har no lese meir på dommarskjemaet. Veldig bra, og veldig vanskeleg å forstå. Her kjem fleire spørsmål fram. Ein må vere kunnskapsrik for å bruke dette skjemaet, men det skal jo dommarane på ein landskappleik vere.

      Kva er "variert utforming og modent uttrykk"? Kan ein alltid høyre skilnad på "urein tome" og "sikker bruk av eldre tonalitet"? Slik eg oppfattar det er den nasale, pressa klangen eit ideale som står sterkare i Telemark enn på Vestlandet. Dette står det ikkje noko om i dommarskjemaet. For ei fullgod innføring i bruk av skjemaet måtte ein nok ha brukt meir enn ei A4-side.

      Til sjuande og sist kjem ei dømming ut ifrå tre personar si tolking og meining om ei framføring. Det er vanskeleg å gjere det, men vi burde som utøvarar prøve å "ikkje ta det så tungt". Held ein på med utøving av kunst/musikk er det vanskeleg å ikkje ta ei bedømming personleg. Ein tømmer jo sjela si ut for dommarar og publikum. Samstundes er det eit handtverk vi held på med når vi syng folkemusikk.

      Vi gjer så godt vi kan, alle mann!


      • Geografiske skilnader i ideal
        Skrevet av Ingvill Marit Buen Garnås (imgarnas AT online DOT no) [2009-07-06]
        Gode innspel frå deg, altså!

        Har nokre tankar kring det du tek opp om geografiske skilnader på klangideal.

        Det stemmer kanskje at ein har hatt og framleis har fleire utøvarar som brukar det gamle meir pressa og nasale klangbiletet i Telemark enn i mange andre tradisjonar. Men me har faktisk ei nyare klassisk sidegrein i kvedinga her også, den såkalla skulemeisterstilen som t.d. Lavrants Østtveiten, Høye Strand og i seinare tid t.d. Aslak Høgetveit var ein del av.

        Desse songarane hadde slik eg oppfattar det likevel med seg det gamle inn i det nye (eller omvendt) på ein annan måte enn når unge utøvarar i dag blandar inn stiltrekk frå pop, vise- og korsong.

        Og like fullt fins det andre meir hardkokte ideal om ein berre går eit hakk lenger attende, sikkert også på Vestlandet. Eg trur dei førklassiske ideala var ganske universale, berre ein går langt nok attende.

        I skulemeisterstilen skin desse ideala igjennom, medan dei i dagens meir moderne tonedrakt i staden blir borte og forflata.

        Berre ein lite tankestreif kring eitt av mange moment som det heilt klart trengst meir medvet om.


  • Å gange på vegen, men ikkje tore fram!
    Skrevet av Ingvill Marit Buen Garnås (imgarnas AT online DOT no) [2009-07-04]
    Eg trur alle som har lese mitt innlegg, og som har alminneleg kjennskap til temaet, skjønar at det ikkje var meint å skape ein debatt om enkeltpersonar, men om kriterier! Dette er nøye presisert i innlegget. Eg håpar LfS SJØLVE legg seg dette på hjartet no, og ikkje rotar det til med påstandar om personangrep etc.

    Eg har vel elles ikkje "spora av debatten", når det er eg som har starta den? Eg føreslår at LfS passar på å halde seg på sporet sjølve, om det i det heile blir nokon debatt. Eg tvilar sterkt:

    Det er eit kjempeproblem for folkemusikkmiljøet at det er så lite og tett at ingen tør å seia nokon ting i frykt for å fornærme vener og kjende, eller bli uglesett eller utfrosne av "det gode lag" etterpå. Mange har teke kontakt og sagt seg einige med meg i denne saken, men dei fleste seier at dei ikkje ville tort å sagt det offentleg. Dette kan de tenkje litt på!

    Eg kan elles ikkje sjå at eg har gått til noko større "personangrep" enn det alle sjølve utset seg for ved å stille opp anten som deltakar eller domar.

    Når ein domar går offentleg ut(jf. oppslag i Telen 30/6-09) og seier at ein no dømer vanleg song på linje med tradisjonell, er dette noko LfS bør rydde opp i og ta uforbehalden sjølvkritikk på snarast, - ikkje koke bort i eit svar som over. Det nyttar ikkje her å dekke seg bak "omsynet til enkelte utøvarar eller domarar". De skal ta omsyn til alle, ikkje berre dei de har hyra inn som domarar.

    Eg siterer; "Dommarane på årets NM var alle svært røynde og styret har stor tillit til at dei har gjennomført oppgåva si på ein framifrå måte".

    Dette er det jo absolutt INGEN logikk i, når de samstundes klargjer at dei har teke grunnleggjande feil kva gjeld likestilling av vanlege songideal med tradisjonelle.

    Når det gjeld domarane sine utsegn, forheld dette seg elles slik at den eine domaren fyrst gjekk ut og sa i uformelle samanhengar at dette hadde vore "så greitt for alle hadde vore så veldig einige". Det må da vera lov å tilbakevise dette for ein anna dommar om han/ho ikkje kjenner seg att i dette, i alle fall når det er snakk om så grunnleggjande diskusjonar som her.

    Eg er ikkje særskild nøgd med svaret, men vonar det etterkvart kan bli ein sakleg og fagleg debatt.

    Ingvill Marit Buen Garnås



(8) | Tips en venn | Skriv ut |