PORTRETTET: Kirsten Bråten Berg har snøskuter, gard, wunderbaum i pickupen, oppdrag som sjefs-jordmor i lamminga, sølvsmie, utbytte av å vitje den lokale folkemusikkpøbben, og tusenvis av stev lagra bak pannebrasken.

ISBRYTARANE: Å gå på isen medfører ein risiko, og i alle nye prosjekt finst ei fallhøgde. Kanskje er det difor ein likar så godt å formidla det grenseoverstigande, det som ikkje før er gjort. I snart eitt år har klangen av isbrytarane Erik Rydvall og Olav Luksengård Mjelva eksistert i innspelt format, og vekt åtgaum hjå publikum og i pressa.

LEIAR: Kanskje har det av og til gått litt varmt under tropehjelmen hos somme, eller ein har vorte biten av ein ny og eksperimentell basill fjernt frå våre eigne bogestrok. I jungelen av kreative krumspring kan det vera verdt å stane opp, ta fram macheten og rydde litt. For er det slik at det må storstilt staffasje og høg wow-faktor til for at folkemusikken skal nå ut til publikum? spør redaktør Bjørn Sletten i det nyaste nummeret av bladet Folkemusikk.

OPPDAGINGSFERD I ”INGENMANNSLAND”: Kanskje var det omtrent samstundes med at ein spikra opp skilt med gatenamn som Bellevue og St. Croix gate i Fredrikstad, at ein fann ut at det var gjævare med symfoniar enn springarar og med klaverkomposisjonar enn kappspel. Det vi i alle fall veit, er at det sentrale Austlandet på eit tidspunkt bleikna heilt bort ifrå folkemusikkartet. Men nå har Sentral-Austlandet fått nok av å vera folkemusikkens ”Ingenmannsland”.

MEISTERENS METODAR: Meister-elev-forholdet mellom Benedicte Maurseth og Knut Hamre går over 20 år attende i tid. Nå har samtalane mellom Maurseth og Hamre vorte bok. I ”Å vera ingenting” gis lesaren eit innblikk i mekanismane mellom meister og elev, speltradisjonen i Hardanger og filosofien ”å vera ingenting”.

PÅ VINTERFESTIVAL: Journalist Ida Habbestad har vore på vinterfestival på Rauland. – Kursa gjev nærleik mellom utøvar og publikum. Det internasjonale gjev ei fin spaning til det lokale. Men kvar er kvinnene? spør Habbestad som etterlyser fleire kvinnelege artistar på plakaten.

***

Nyhende, danse- og platemeldingar, sterke meiningar, nye kommentarar frå Tore Bruvoll og Runhild Heggem, nye strekar frå Øystein Runde og mykje, mykje meir!