I Sogn og Fjordane har dei flust av folkemusikarar tilsette som distriktsmusikarar, og Sigrid Moldestad held arven etter storspelemannen Peder Råd i hevd. Hallingdansen har ei lang kappleikshistorie, men først i år har ei kvinne vunne ei hallingklasse på sjølve Landskappleiken. Ta:lik har avslutta CD-serien med historiske slåtteopptak frå Gudbrandsdalen. Västanå Teater i Värmland fyllar 20, Telemarkfestivalen 30 og plateselskapet Heilo 40 år. I Folkemusikks haustnummer les du om alt dette og mykje anna!
Nyare utgåver av Folkemusikk (frå 2018 og framover) er å få kjøpt i nettbutikken til Tekstallmenningen. Ein del eldre utgåver kan kjøpast frå utgivar FolkOrg (klikk for info). (Info oppdatert mars 2021)
Folkemusikk er det einaste landsdekkande bladet for folkemusikk og folkedans, og blir lese av musikk- og kulturinteresserte over heile landet. Tidsskriftet og nettavisa er eigd av FolkOrg – organisasjon for folkemusikk og folkedans. Bladet er frittståande med eigen uavhengig redaktør og redigert etter redaktørplakaten.