Folkemusikkentusiastar lagar kvegjazz

Kvartetten Himmelskip debuterer med Den siste kvegdriver, eit instrumentalalbum der element frå norsk folkemusikk, americana, jazz og rock er fletta saman.

Tekst: Pressemelding/redaksjonen

Himmelskip består av Simen Jakobsen Harstad (gitar), Elias Wallumrød Orning (pedal steel), Torjus Gravir Klykken (bass) og Tobias Rønnevig (trommer). Dei fire møttest på Norges musikkhøgskole og har bakgrunn frå ulike delar av norsk musikkliv, frå metal og pop til folkemusikk og jazz.

Bandet har fått med seg David Wallumrød på tangentar og den kjende folkemusikaren Erlend Viken som gjestemusikarar. Musikken er spelt inn analogt i Amper Tone-studio, med Johnny Skalleberg og Tomas Pettersen som teknikarar.

Den siste kvegdriver blir gjeve ut på Die With Your Boots On Records i morgon.