Juleplate frå Sigrid Moldestad og HazeliusHedin

Etter fleire år på turné med julekonserten Vintersong kjem Sigrid Moldestad og den svenske duoen HazeliusHedin no med sitt første felles julealbum, Vinternatt.

Tekst: Pressemelding/redaksjonen

Plata samlar norske og svenske folkemusikktradisjonar i eit nytt, nordisk lydbilete – der hardingfele, nyckelharpe, gitar og song fører lyttaren gjennom både høgtid og kvardag i den mørke årstida.

Materialet spenner frå tradisjonelle julesongar til nyskrevne viser. Alle arrangement er gjort av Moldestad, Esbjörn Hazelius og Johan Hedin, som òg har produsert og spelt inn albumet i Höör i Sverige. Bassist Staffan Lindfors medverkar på nokre spor.

HazeliusHedin – med Esbjörn Hazelius og Johan Hedin – er blant Sveriges fremste folkemusikarar. Sigrid Moldestad har på si side markert seg som ein av dei mest særprega folkemusikarane og formidlarane i Noreg, med hardingfela som musikalsk utgangspunkt og med fleire prisnominerte soloutgjevingar bak seg.

Trioen legg ut på ein felles juleturné frå 6. til 22. desember, med konsertar i både Noreg og Sverige:

Turnéplan – «Vintersong» 2025:
6. desember – Kampen, Oslo
7. desember – Rudi gard, Vinstra
9. desember – Dokkhuset, Trondheim
11. desember – Haakonshallen, Bergen
12. desember – Mandelhuset, Tysnes
13. desember – Ljosheim, Eksingedalen
14. desember – Trudvang kino, Aurland
18. desember – Jarl Kulle-scenen, Ängelholm
19. desember – Lunds stadsteater, Lund
20. desember – Nygatan 6, Växjö
21. desember – Maxim, Stockholm
22. desember – Kulturhuset Korpen, Skinnskatteberg

Meir informasjon:
www.talik.no Lenke til et annet nettsted. – www.sigridmoldestad.com Lenke til et annet nettsted. – www.hazeliushedin.com Lenke til et annet nettsted.