Satsing på lokale prosjekt i Buskerud

Lokallag i Buskerud har no moglegheit til å søkje støtte til kurs og prosjekt. Det er Buskerud folkemusikklag som står bak søknadsordninga.

Tekst: Pressmelding/redaksjonen

Tidlegare i vinter omtala me den auka satsinga på folkemusikk i Buskerud fylke. Lenke til et annet nettsted, åpnes i nytt vindu.

Lokallaga i Buskerud folkemusikklag blir no oppmoda til å søkje kursmidlar for 2026. Ordninga er styrkt etter auka støtte frå Regionale kulturfond i Buskerud fylke, og den samla potten er dobla frå 100 000 til 200 000 kroner. Målet er å leggje til rette for meir kursverksemd og aktivitet innan folkemusikk og folkedans i heile Buskerud fylke.

Midlane blir fordelte av regionlaget på mandat frå Buskerud fylkeskommune, og er øyremerkte kurs og prosjekt i lokallaga.

Søknadsfristen er 15. mars. Søknad med prosjektomtale og budsjett skal sendast til post@buskerudfolk.no Lenke til et annet nettsted.

Rapport for gjennomført prosjekt må leverast innan 15. desember same år, og skal innehalde kort omtale av gjennomføringa, enkelt rekneskap, adresse og kontonummer.