Landsfestivalen er i gang i Vågå

I dag går startskotet for Landsfestivalen i gammaldansmusikk 2026 i Vågå. I fem dagar skal over 1 000 deltakarar, meir enn 90 lag og grupper og rundt 450 frivillige fylle Vågå med tevling, dans og gammaldansmusikk.

Tekst: Pressemelding/redaksjonen

Årets festival markerer 40-årsjubileet til Landsfestivalen, som vart arrangert for fyrste gong i Førde i 1986. Samstundes feirar arrangøren Vågå Trekkspelklubb 50 år.

Meir informasjon finn du på heimesidene til Landsfestivalen. Lenke til et annet nettsted, åpnes i nytt vindu.

Tevlingane startar i Vågåhallen klokka 15.00 med samspelklassane for junior og senior. Seinare på kvelden står solo andre instrument og vokal senior på programmet, før den offisielle jubileumsopninga går av stabelen klokka 20.00.

Startlistene for Landsfestivalen finn du her. Lenke til et annet nettsted, åpnes i nytt vindu.

Allereie klokka 21.00 er det klart for den fyrste finalen, i samspel senior. Deretter held musikken fram på fleire dansegolv utover kvelden.

Med 1 015 deltakarar fordelt på 302 startnummer i 16 klassar er det rekordstor deltaking under årets jubileumsfestival. Dei neste dagane blir Vågå sentrum for ein stor møteplass for gammaldansmiljøet, med tevlingar, dansespel, konsertar og sosialt samvær.

Onsdagens program:
15.00: Samspel senior og junior – Vågåhallen
18.30: Solo andre instrument og vokal senior – Vågåhallen
20.00: Opning av Landsfestivalen 2026 – Vågåhallen
21.00: Finale i samspel senior – Vågåhallen
21.30: Dansespel – matteltet
22.30: Dansespel – kulturhuset