Siger til Lom spelmannslag og Skrot på Landsfestivalen!

No er Meisterkonserten i gang på Landsfestivalen i gammaldansmusikk. Her oppdaterer vi fortløpande med finalevinnarane.

Tekst: Redaksjonen

Fotoreportasjen blir oppdatert gjennom premieutdelinga.

3. plass i lagspel durspel/trekkspel

Kongsberg Trekkspillklubb tek 3. plassen i lagspel durspel/trekkspel og får diplom og 2.000 kroner.

3. plass i fele/hardingfele senior

Hans Sandum frå Mukampen spel- og dansarlag får 3. premie, diplom og 1000 kroner. Han kvitterte med ein eigen komposisjon "Ljose i luggen".

3. plass i durspel senior

Jørn Kjetil Solbakken frå Vågå trekkspelklubb tek 3. plassen og 1000 kr. Solbakken spelte "Nytt frå bygdom", ein polka av Oddvar Nygaard.

3. plass i samspel senior

Dag Gården og Leif Inge Schjølberg frå arrangerbygda blir tildelte 3. premie og ein sjekk på 1000,- Dei kvitterte med "Magnhild" av Leif Inge Schjølberg.

3. plass i Super Junior

Kåre Magnus Vaterland frå Skåbu og Mukampen spelmannslag får 3. premie og diplom på 1000,- Han spelar "Satsmasurka" etter Edvard Martinsheimen".

3. plass i trekkspel senior

Emil Horstad frå Naustedalen spelemannslag tek 3. plassen og får eit diplom på 1000,- Han kvitterte med Reinlender i form etter Oluf Melvold.

3. plass i gruppespel

Kjorstad, Odde & Thorud får 3. premie i gruppespel og diplom på 2000,- På meisterkonserten framførte dei reinlender etter Sylfest Bø med tittelen Sullilulliluppen.

3. plass i lagspel fele/hardingfele

Mukampen Spelmannslag tek 3. plassen i lagspel fele/hardingfele og får med seg 2000,- heim til Midt-Gudbrandsdalen. Dei framførte reinlender etter Asmund Kvehaugen.

2. plass i durspel senior

Silja Lid Strysse frå Kongsberg spel- og dansarlag og Kongsberg Trekkspelklubb får 2. premie og 2000,- Ho spelte deretter Grønlireinlender etter Herman Liahagen.

2. plass i fele/hardingfele senior

Britt Elise Skram frå Spelmannslaget Dåm og drag tek 2. plassen og 2000,- Ho tok deretter ein vals etter Jens Synnes.

2. plass i lagspel durspel/trekkspel

Vågå Trekkspelklubb, arrangørlaget, blir nummer to og får diplom på 3000,- Dei speler "Leiken min" av Øyvind Sandum under leiing av Rikard Odnes.

2. plass i samspel senior

Simen/Silja, som består av Simen Håland og Silja Lid Strysse får 2. premie og 2000,- På meisterkonserten spelte dei ein hamborger av Simen Håland og Erik Grøna.

2. plass i Super Junior

Vegard Kvestad frå Osterøy spel- og dansarlag/Osterøybelgen blir nummer to og får med seg eit diplom på 2000,- Han spelar "Migemaur" av Kristoffer Kleiveland på meisterkonserten.

2. plass i trekkspel senior

Thomas Nilssen frå #Hedmark tek 2. plassen og 2000,- Han spelar vals etter Torvald Trondsgård.

2. plass i lagspel fele/hardingfele

Østerdølenes Spellmannslag blir tildelt 2. premie og 3000,- Dei kvitterte med ein skotsk etter Alf Eriksen.

Takk til arrangøren – og stafettpinnen vidare

Under premieutdelinga blir det også retta ei takk til arrangøren av årets Landsfestival. Arne Stasviken, leiar for hovudnemnda, nytta høvet til å takke både alle frivillige og FolkOrg for jobben dei har lagt ned.

Samstundes blir det ønskt velkomen til Landsfestivalen i 2027. Anders Ness er leiar for Landsfestivalen neste år som blir arrangert med Kongsberg Trekkspelklubb og Numedal spel- og dansarlag. Han hadde illustrert dette med å ha med seg ei lampe på scenen, for neste år skal festivalen arrangerast på Lampeland.

Vinnar av lagdans

Valdres FolkemusikkUNG vinn lagdans junior. Ogndalsvegen 141 med venner går til topps i lagdans senior.

Vinnar av durspel senior

Simen Fjeldberg Håland frå Mukampen spel- og dansarlag vinn durspel senior og 3000,-

Vinnar av lagspel durspel/trekkspel

Ottadalsbelgen vinn lagspel durspel/trekkspel og får diplom og 5.000 kroner.

Vinnar av fele/hardingfele senior

Ole Erik Feragen frå Brekken spell- og danselag går heilt til topps i fele/hardingfele senior.

Vinnar av trekkspel senior

Terje Rusten frå Mukampen spel- og dansarlag vinn klassen.

Vinnar av lagspel fele/hardingfele

Lom Spelmannslag tek sigeren i lagspel fele/hardingfele.

Vinnar av samspel senior

Nilssen/Westling vinn samspel senior.

Pallplassane i pardans senior

Det blir delt ut tre premiar i pardans senior:

• 1. plass: Solveig Brekke Hauknes og Ole Nilssen
• 2. plass: Sigrun Odde og Ingebjørg Sandum
• 3. plass: Jane Kathrin Hagen og Thomas Nilssen

Vinnar av Super Junior

Live Sulheim Viken frå Lom spel- og dansarlag vinn Super Junior.

Gruppespel: Dei to beste står att

Kompani Byre blir nummer to i gruppespel.

Skrot går heilt til topps og vinn klassa! I tillegg til diplom og 5.000 kroner får gruppa tilbod om showcase under Folkelarm og speleoppdrag på Førdefestivalen.