Folkemusikk er eit norsk tidsskrift for folkemusikk og folkedans. Tidsskriftet og nettavisa er eigd av FolkOrg – organisasjon for folkemusikk og folkedans, og er frittståande med uavhengig redaktør. Redaktør sidan 2014 er Audun Stokke Hole, som har kontor i Schous-kvartalet i Oslo saman med resten av FolkOrg-administrasjonen.

Då Landslaget for Spelemenn (LfS) og Norsk Folkemusikk- og Danselag (NFD) gjekk saman i FolkOrg i 2010, vart Bladet Folkemusikk etablert på tuftene av Spelemannsbladet (LFS) og Kvinten (NFD). I 2014 vart magasinet Folkemusikk etablert på tuftene av Bladet Folkemusikk og Årbok for norsk folkemusikk (NFD/FolkOrg). Spelemannsbladet vart publisert første gong i 1941, og Folkemusikk feira 75-årsjubileum i 2016.

Nettstaden Folkemusikk.no var tidlegare heimesida til FolkOrg og ein informasjonsportal for folkemusikkfeltet. Sidan 2014 er folkemusikk.no nettstaden til magasinet Folkemusikk. FolkOrg har fått eigne heimesider – www.folkorg.no.

Folkemusikk arbeider etter Redaktørplakaten og Vær Varsom-plakaten sine reglar for god presseskikk. Den som kjenner seg råka av urettvis omtale blir oppmoda om å ta kontakt med ansvarleg redaktør. Det er også mogleg å rette klage for Pressens faglege utvalg, pb. 46, Sentrum, 0101 Oslo

Kvar får du kjøpt Folkemusikk?

På denne sida kan du sjå kva for Narvesen-utsal som sel Folkemusikk. I feltet «Søk butikk» kan du søke på postnummer, poststad, kommune eller fylke.

Treng du å kjøpe tidlegare utgåver av Folkemusikk, ta kontakt med redaktør Audun Stokke Hole, e-post audun(krøll)folkemusikk.no.