Nytt
Mange har allereie meldt seg på Landskappleiken, men arrangørane trur at mange ventar til tolvte time 22. mai, når den endelege fristen er. To som har hatt orden på deltakinga si lenge, er søstrene Hanne og Synne Kjøk.
Nytt
Fleire folkemusikarar har så langt i år blitt lånte ut til unge orkester og kor gjennom ordninga «Lån ein folkemusikar». Organisasjonane bak prosjektet håpar tiltaket vil generere ny aktivitet og knyte musikkrefter i lokalsamfunna saman.
Nytt
Hilde Reitan hadde tenkt å takke for seg som leiar på jubileumslandsmøtet i FolkOrg. Men så ombestemte ho seg og fortset i to år til, etter nærmare ettertanke og ytre påverknad.
Nytt
Landsmøtet i FolkOrg samla seg om felles formuleringar i arbeidet for yrkesutøvarane i organisasjonen.
Nytt
Landsmøtet i FolkOrg sende saka om leigesum for Landskappleiken og Landsfestivalen tilbake til styret med pålegg om å legge fram revidert sak på landsmøtet i 2025. Dermed blir det endring i vilkåra for lokale arrangørar tidlegast om tre år.
Nytt
Sidan 2006 har Egil Storbekkens musikkpris blitt delt ut. No vil priskomiteen ha inn forslag til kven som skal få den i år.
Nytt
Gabba si munnharpe i bronse er om lag ei veke gammal, og er eit synleg prov på at det var dei som vann Spellemann i klassa for tradisjonsmusikk i år. Men sjølv om det var debutplata deira som blei heidra, er den langt ifrå ei fersk innspeling.
Nytt
FolkOrg bør satse meir på å støtte opp om den profesjonelle folkemusikken, meiner eit knippe yrkesutøvarar i organisasjonen.
Nytt
Gode økonomiske resultat: I løpet av 36 år har Landslaget for spelemenn/FolkOrg og lokale arrangørar fått over 25 millionar kroner i inntekter frå Landskappleiken og Landsfestivalen i gammaldansmusikk.
Nytt
NRK satsar på folkemusikk gjennom ulike program i fleire kanalar, også med nokre nye tilbod.
Nytt
Gjester, publikum elles, utøvarar og arrangørar var strålande fornøgde då 100-årsjubileet for FolkOrg vart offisielt opna av kulturministeren.
Nytt
Draumkvedet er tradisjonelt kjent frå Telemark og Steinerskole-miljø, men er blitt stadig meir populært. Visjonsdiktet om synene Olav opplever mellom julaftan og trettandedagen, får stadig nye tolkarar og tolkingar. Tips oss om fleire!
Meldt
Hausten er tid det kjem mykje ny musikk, og her presenterer vi eit utval plater med solospel eller ein bandleiar i front.
Meldt
Hausten er ei tid det kjem mykje ny musikk, og dei siste månadene er mange gode utgivingar i folkemusikklandskapet komne ut.
Nytt
Utdelinga av Folkelarmprisen har flytta litt rundt på Folkelarm-dagane, men i år som i fjor opna Folkelarm med utdelinga. Folkemusikk- og Folkedans-Noreg stilte sterkt opp på Riksscenen torsdagen for å få vite og heidre vinnarane.
Nytt
NRK har fått ny folkemusikkgeneral. Stillingsprosenten er halvert, men John Ole Morken får likevel ein monaleg meir variert arbeidsdag enn forgjengaren.
Nytt
Folkemusikktimen skal ha ny programsjef, i fast halv stilling. Norsk folkemusikk er en prioritert sjanger i NRK, lover utlysingsteksten.
Nytt
Han skulle bli snikkar, men tonane ga ikkje slepp. Da snudde Steinar Odde på flisa og satsa for fullt på musikken. Første helga i august tok han to gull på Landsfestivalen i Vågå.
Nytt
Vennskapet med Ole Bull, hjelparane, samfunnet rundt og sjølvsagt musikken er sentrale tema i den ferske biografien Annfrid Berget Haukeland har skrive om Myllarguten.
Nytt
I juni kunne FolkOrg og lokallag igjen arrangere landskappleik, tre år etter førre gong. Som vanleg var det lokalavisene i dei ulike folkemusikk- og dansedistrikta som var mest aktivt til stades og rapporterte frå tevlinga.
